قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى №18-05/246 2015 جىلعى 19 ناۋرىز,  استانا قالاسى

  بالىق شارۋاشىلىعى سۋ ايدىندارىن جانە (نەمەسە)  ۋچاسكەلەرىن ەرەكشە قۇندى وبەكتىلەرگە جاتقىزۋ, ولاردىڭ شەكارالارىن بەلگىلەۋ قاعيدالارىن بەكىتۋ تۋرالى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ 9-بابى 1-تارماعىنىڭ 73) تارماقشاسىنا سايكەس بۇيىرامىن: 1. قوسا بەرىلىپ وتىرعان بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن ەرەكشە قۇندى وبەكتىلەرگە جاتقىزۋ, ولاردىڭ شەكارالارىن بەلگىلەۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپتە: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون كۇنتىزبەلىك كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر ا. مامىتبەكوۆ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 19 ناۋرىزداعى № 18-05/246 بۇيرىعىمەن بەكىتىلگەن بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن ەرەكشە قۇندى وبەكتىلەرگە جاتقىزۋ, ولاردىڭ شەكارالارىن بەلگىلەۋ قاعيدالارى 1. وسى بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن ەرەكشە قۇندى وبەكتىلەرگە جاتقىزۋ قاعيدالارى (بۇدان ءارى - قاعيدالار) «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ) 9-بابى 1-تارماعىنىڭ 73) تارماقشاسىنا سايكەس ازىرلەنگەن جانە بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن ەرەكشە قۇندى وبەكتىلەرگە جاتقىزۋ, ولاردىڭ شەكارالارىن بەلگىلەۋ ءتارتىبىن انىقتايدى. 2. وسى قاعيدالاردا مىناداي ۇعىمدار پايدالانىلادى: 1) جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى ۋاكiلەتتi مەملەكەتتiك ورگان (بۇدان ءارi – ۋاكiلەتتi ورگان) – جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى باسشىلىقتى, سونداي-اق ءوز وكiلەتتiكتەرi شەگiندە سالاارالىق ۇيلەستiرۋدi جۇزەگە اسىراتىن ورتالىق اتقارۋشى ورگان; 2) اۋماقتىق بولىمشەلەر – ۋاكىلەتتى ورگان ۆەدومستۆوسىنىڭ اۋماقتىق بولىمشەلەرى. 3. بالىق شارۋاشىلىعى ءۇشىن ەرەكشە قۇندى ماڭىزى بار, ولاردا شارۋاشىلىق جانە وزگە دە قىزمەتتىڭ رەتتەلەتىن رەجيمى بەلگىلەنەتىن سۋ وبەكتىلەرى نەمەسە ولاردىڭ بولىكتەرى, ىرگەلەس جاعالاۋ اۋماعىمەن شەكتەۋلى اكۆاتوريالار (سەرۋەندەۋ ورىندارى, قىستاۋ شۇڭقىرلارى, ۋىلدىرىق شاشاتىن جانە جانۋارلار تۇرلەرىنىڭ تابيعي جاعدايلاردا تابيعي جولمەن كوبەيۋ ورىندارى) بالىق شارۋاشىلىعىنىڭ ەرەكشە قۇندى سۋ ايدىندارى جانە (نەمەسە) ۋچاسكەلەرى بولىپ تابىلادى. 4. ەرەكشە قۇندى بالىق شارۋاشىلىعى سۋ ايدىندارى جانە (نەمەسە) ۋچاسكەلەرى مىناداي ماقساتتاردى ىسكە اسىرۋ ءۇشىن بەلگىلەنەدى: 1) بالىقتاردىڭ كاسىپشىلىك تۇرلەرىنىڭ جانە باسقا دا سۋ جانۋارلارىنىڭ تابيعي مولايۋىن قولداۋ; 2) بالىقتاردىڭ جانە باسقا دا سۋ جانۋارلارىنىڭ بيولوگيالىق ارتۇرلىلىگىن ساقتاۋ; 3) سيرەك كەزدەسەتىن جانە قۇرىپ كەتۋ قاۋپى تونگەن بالىق تۇرلەرىن جانە باسقا دا سۋ جانۋارلارىن ساقتاۋ; 4) سەرۋەندەۋ, ۋىلدىرىق شاشۋ ورىندارىن, ءورىس اۋدارۋ جولدارىن, قىستاۋ شۇڭقىرلارىن ساقتاۋ. 5. بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن ەرەكشە قۇندىلارعا جاتقىزۋ جانە ولاردىڭ شەكارالارىن بەلگىلەۋ, سونداي-اق ۋچاسكەلەردىڭ بەكىتىلگەن شەكارالارىن تۇزەتۋ, وزگەرتۋ جونىندە ۇسىنىستار ازىرلەۋ ءۇشىن اۋماقتىق بولىمشە كوميسسيا (بۇدان ءارى – كوميسسيا) قۇرادى. كورسەتىلگەن كوميسسيانىڭ قۇرامىن جانە ونىڭ قىزمەت ءتارتىبىن اۋماقتىق بولىمشە ايقىندايدى. كوميسسيا قۇرامىنا اۋماقتىق بولىمشەلەردىڭ, جەرگىلىكتى اتقارۋشى ورگانداردىڭ, قوعامدىق بىرلەستىكتەردىڭ, عىلىمي جانە تابيعات قورعاۋ ۇيىمدارىنىڭ وكىلدەرى ەنگىزىلەدى. بەكىتىلگەن بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن ەرەكشە قۇندىلارعا جاتقىزعان جاعدايدا كوميسسيا قۇرامىنا بالىق رەسۋرستارىن پايدالانۋشىلاردىڭ وكىلدەرى ەنگىزىلەدى. 6. كوميسسيا وتىرىسىنىڭ ناتيجەلەرى كوميسسيا وتىرىسىنىڭ حاتتاماسىمەن رەسىمدەلەدى, وعان قاتىسىپ وتىرعان مۇشەلەردىڭ بارلىعى قول قويادى. 7. بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن ەرەكشە قۇندىلارعا جاتقىزۋ جانە ولاردىڭ شەكارالارىن بەلگىلەۋ ءتيىستى عىلىمي ۇيىمدار بەرگەن بيولوگيالىق نەگىزدەمەنىڭ نەگىزىندە جۇزەگە اسىرىلادى. 8. ۋاكىلەتتى ورگان كوميسسيا ۇسىنىمدارى مەن بيولوگيالىق نەگىزدەمە نەگىزىندە مىناداي: 1) بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن ەرەكشە قۇندى وبەكتىلەرگە جاتقىزۋ, ولاردىڭ شەكارالارىن بەلگىلەۋ تۋرالى; 2) بەلگىلەنگەن شەكارالاردا شارۋاشىلىق جانە وزگە دە قىزمەتتىڭ رەتتەلەتىن رەجيمىن بەلگىلەۋ جونىندە شەشىمدەردى قابىلدايدى. 9. قابىلداناتىن شەشىمدەر اۋماعىندا وسى سۋ ايدىنى ورنالاسقان جەرگىلىكتى اتقارۋشى ورگاندارمەن كەلىسىلەدى. 10. ەرەكشە قۇندى بالىق شارۋاشىلىعى سۋ ايدىندارىنىڭ جانە (نەمەسە) ۋچاسكەلەرىنىڭ بەلگىلەنگەن شەكارالارى بەلگىلى ءبىر جايىلىم, ۋىلدىرىق شاشۋ, ءوسىرۋ ورىندارى, قىستاۋ شۇڭقىرلارى ورىندارىنىڭ اتاۋلارى جانە گەوگرافيالىق كوورديناتالارى كورسەتىلگەن كارتا-سحەمادا بەلگىلەنەدى. 11. ەرەكشە قۇندى بالىق شارۋاشىلىعى سۋ ايدىندارىنىڭ جانە (نەمەسە) ۋچاسكەلەرىنىڭ شەكارالارى بەلگىلى ءبىر جايىلىم, ۋىلدىرىق شاشۋ, ءوسىرۋ ورىندارىن, قىستاۋ شۇڭقىرلارى شەگىندە بالىق شارۋاشىلىعىن جۇرگىزۋگە بولىنگەن ءبىر نەمەسە بىرنەشە بالىق شارۋاشىلىعى ۋچاسكەلەرىن قامتۋى مۇمكىن. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 17 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10755 بولىپ ەنگىزىلدى.